ROBBER Trailer : சட்டமும் சாமியும் வேண்டாம்.. தப்பு செஞ்சா தலையை எடுப்பாங்க.!

‘மெட்ரோ’ சத்யா நாயகனாக நடிக்கும் ‘ராபர்’ படத்தின் டிரெய்லரை வெளியிட்ட மக்கள் செல்வன் விஜய் சேதுபதி..

சென்னையில் நடந்த ஓர் உண்மைச் சம்பவத்தின் பின்னணியில் உருவாகி இருக்கும் படம் ‘ராபர்’. இப்படத்திற்கு ‘மெட்ரோ ‘திரைப்படத்தின் இயக்குநர் ஆனந்த கிருஷ்ணன் கதை திரைக்கதை எழுதியுள்ளார். எஸ். எம்.பாண்டி இயக்கி உள்ளார்.

இம்ப்ரஸ் ஃபிலிம்ஸ் சார்பில் பத்திரிகையாளர் கவிதா எஸ் தயாரித்துள்ளார். தயாரிப்பில் அவருடன் மெட்ரோ ப்ரொடக்ஷன்ஸ் ஆனந்த கிருஷ்ணனும் இணைந்துள்ளார்.

சமீபகாலமாக பல சினிமா நிகழ்ச்சிகளை தொகுத்து வழங்கி வருபவர் கவிதா என்பதும் இவர் சினிமா பத்திரிக்கையாளர் சங்கத்தின் தலைவியாகவும் இருந்து வருகிறார் என்பது குறிப்பிடத்தக்கது..

இப்படத்தின் கதை
சென்னையில் நடந்த ஒரு உண்மை சம்பவத்தை மையமாக வைத்து எடுக்க பட்டுள்ளது.

இப்படத்தின் கதை, திரைக்கதையை ‘மெட்ரோ’ , ‘கோடியில் ஒருவன்’ படங்களை இயக்கிய ஆனந்த கிருஷ்ணன் எழுதி உள்ளார்..

“உண்மைச் சம்பவத்தை மையமாக வைத்து இந்தப் படம் உருவாகி இருப்பதால் காட்சிகளும் உண்மைக்குப் பக்கத்தில் இயல்பாக இருக்கும்.

‘ பெற்றோர் பெண் குழந் தைகள் இந்த படத்தை அவசியம் பார்க்க வேண்டும்

இந்த’ ராபர்’ திரைப் படத்தின்’ டைட்டில் ஃபர்ஸ்ட் லுக் ‘எனப்படும் தலைப்பின் முதல் தோற்றத்தை நடிகர் சிவகார்த்திகேயன் வெளியிட்டு உதவினார்..தற்போது இந்த படத்தின் டிரெய்லர் விஜய் சேதுபதி வெளியிட்டு உதவினார்.. ராபர் படத்தை சக்தி ஃபிலிம் ஃபேக்டரி நிறுவனம் வாங்கி வெளியிடுகிறது .

இப்படத்தின் நாயகனாக நடித்துள்ள சத்யா ஏற்கெனவே ‘மெட்ரோ’ படத்தில் நடித்து அனைவராலும் கவனிக்க பட்டவர்.
இவர்களுடன் தீபா சங்கர், ஜெயபிரகாஷ், சென்ராயன், டேனி போப் மற்றும் பலர் படத்தில் போட்டி போட்டு நடித்துள்ளனர்.

இப்படத்திற்கு என்.எஸ்.உதயகுமார் ஒளிப்பதிவு செய்துள்ளார். ஜோகன் சிவனேஷ் இசை அமைத்துள்ளார்.

படத்தொகுப்பு ஸ்ரீகாந்த் NB, கலை PPS விஜய் சரவணன், நடனம் ஹரி கிருஷ்ணன்.

அருண் பாரதி, லோகன், ஜோகன் சிவனேஷ் ,மெட்ராஸ் மீரான், சாரதி எழுதிய பாடல் வரிகளை
அந்தோணி தாசன், வித்யா கல்யாணராமன், ஜோகன் சிவனேஷ் ஆகியோர் பாடியுள்ளார்கள்.

இந்த படத்தில் ஆர்வமுள்ள திறமைக் கரங்களைத் தன்னுடன் இணைத்துக் கொண்டு எஸ். எம். பாண்டி படத்தை இயக்கி உள்ளார்.

ராபர் படம் மார்ச் 14ம் மாதம் வெளியிட அனைத்து பணிகளும் நடந்து வருகின்றன..

இந்தப் படத்தின் டிரைலர் விறுவிறுப்பாக அமைந்திருப்பது ரசிகர்கள் மத்தியில் பாராட்டுக்களை பெற்று வருகிறது.. இந்த ட்ரெய்லரில் நடிகர் ஜெயப்பிரகாஷ்.. “100 பேர் தப்பிக்கிற சட்டமும் வேண்டாம்.. லேட்டா தண்டனை கொடுக்கும் கடவுளும் வேண்டாம்.. தப்பு செஞ்சா தலையை எடுப்பாங்க என்பது அந்த தே— பயலுக்கு தெரிய வேண்டும் என்ற டயலாக் பேசி இருக்கிறார்.. இது நிச்சயம் பெண்கள் மத்தியில் பரபரப்பை உண்டாக்கும் என நம்பலாம்..

Kavitha Production Robber Trailer goes viral

INTENSE TRAILER OF #ROBBER #ராபர் 💥 IS OUT NOW